ހުޅުމާލޭ ފުރަތަމަ ފިޔަވަހީގައި އިމާރާތްކޮށްފައިވާ ފްލެޓެއްގައި ރޯވެއްޖެ އެވެ.

މި ހާދިސާ ހިނގާފައިވަނީ އަޒީޒާ މިސްކިތް ކައިރީގައި ހުރި 95 ވަނަ ފްލެޓުގެ އެޕާޓްމެންޓްގަ އެވެ.

މިކަމާ ގުޅޭ ގޮތުން އަދި އެއްވެސް ރަސްމީ ބަހެއް ލިބިފައިނުވާއިރު، މަންޒަރު ދުށް ފަރާތްތަކުން ބުނީ، އަލިފާންގަނޑު މިހާރު ކޮންޓްރޯލް ކުރެވިފައިވާ ކަމަށެވެ.

އަލިފާނުގެ ހާދިސާ ހިނގި އެޕާޓްމަންޓަށް ވަރަށް ބޮޑެތި ގެއްލުންތަކެއް ލިބިފައިވާއިރު، މި ހާދިސާ ހިނގީ މި ފްލެޓްގެ ކޮން އެޕާޓްމަންޓެއްގައި ކަން ސާފުވެފައެއް ނުވެ އެވެ.