މާލެތެރޭގައި މިހާރު ހިނގަމުން އަންނަ ސިލްސިލާ މާރާމާރީތަކުގެ ފަހަތުގައި ވަނީ ހަތަރު ގޭންގެއް ކަމަށް ޕޮލިސް ކިމިޝަނަރު މުހައްމަދު ހަމީދު ވިދާޅުވެއްޖެ އެވެ.

ޕީއެސްއެމްއަށް ދެއްވި އިންޓަވިއުއެއްގައި ސީޕީ ހަމީދު ވިދާޅުވީ މިދިޔަ މަހު މެދުތެރެއިން ފެށިގެން މިހާތަނަށް އެ ސިލްސިލާ މާރާމާތިތަކާ ގުޅިގެން 16 މީހަކު ހައްޔަރުކޮށްފައިވާ ކަމަށެވެ.

ސީޕީ ވިދާޅުވީ ތޫނު ހަތިޔާރު ބޭނުންކޮށްގެން ހިންގަމުން އަންނަ އެ މާރާމަރީތައް ގުޅިފައިވަނީ ހަތަރު ގޭންގަކާ ކަމަށެވެ.

މާލޭގެ ފިހާރައެއްގެ ތެރޭފައި ރޭ ތޫނުއެއްޗަކުން މީހަކަށް ހަމަލާދިން މައްސަލައާ ގުޅޭގޮތުން ސީޕީ ވިދާޅުވީ އެ މާރާމާރީ ހިންގި މީހުން ދެނެގަތުމުގެ މަސައްކަތް ކުރަމުން އަންނަ ކަމަށެވެ.

އުމުރުން 30 އަހަރުގެ އެ ޒުވާނާގެ ހާލު ސީރިއަސްވެ މިހާރު ފަރުވާދެމުން އަންނަނީ ވެންޓިލޭޓަރުގަ އެވެ.