ޔުކްރެއިންގެ ބަހެއް އެކްސިޑެންޓްވެ ހަ މީހަކު މަރުވެ އިތުރު 40 މީހުންނަށް އަނިޔާވެއްޖެ އެވެ.

މިއެކްސިޑެންޓް ހިނގީ ޔުކްރެއިން އާއި ޕޮލޭންޑްގެ ބޯޑަރު ކައިރީގަ އެވެ.

މި އެކްސިޑެންޓް ހިނގާފައި ވަނީ މެންދަމު ހައިވޭގައި ކަމަށް ފުލުހުން ބުންޏެވެ. އަދި ބަސް ގާޑްރެއިލްތައް ފަޅާލާފައިދިޔަ ސަބަބެއް ނޭނގޭ ކަމަށް ވެސް ބުންޏެވެ.

މި ހާދިސާގައި އަށް މީހެއްގެ ހާލަތު ސީރިއަސް ކަމަށްވެ އެވެ. އަދި ޑޮކްޓަރުން ފާހަގަ ކުރާ ގޮތުގައި ގިނަ ޕަސިންޖަރުން ތިބީ ސީޓް ބެލްޓު ނާޅަ އެވެ.

މީޑިއާ ރިޕޯޓުން ބުނާ ގޮތުގައި ބަސް ދަތުރު ކުރަމުން ދިޔައީ ޕޮލޭންޑްގެ ހުޅަނގުގެ ސިޓީ ޕޮޒްނަން އިން ޔޫކްރެއިންގެ ދެކުނުގެ ސިޓީއެއް ކަމުގައިވާ ޚެރްސަންއަށް ދާ މަގުންގެވެ.